§ 76

Множественные числительные

Множительными называются числительные, употребляющиеся для обозначения количества слоёв тканей, кожи, бересты и других предметов, которые могут быть сложены слоями.

Множительные числительные образуются от основ количественных числительных при помощи суффикса -ман, -мэн. При присоединении суффикса -ман, -мэн конечный не отпадает.

В некоторых говорах конечный н замещается суффиксом множественного числа и образуются числительные дюрмэн двойной, иларман тройной, дыгирмэн четверной и т. д.

Образуются числительные: умунмэн одиночный, дюнмэн двойной, иланман тройной и т. д.

Иланманди эллунмэ чакилкал. Сложи покрышку для юрты втрое (в три ряда). Иланманду чакиливчаду эллунду усикэн бичэн. В покрышке для юрты, сложенной втрое, был ремень. Дюнмэн удялин иманнаду ичэвчэл бичэтын. Его двойные следы были видны на снегу.

Упражнение 45

Спишите, подчеркните в предложениях числительные и определите их разряды (количественные, порядковые, повторительные и т. д.).

1. Бу дянмэ километрилва ӈэнэдечэвун. 2. Дян дюги бега декабрь гэрбин. 3. Дюр биракар арбундутын дюрпу. Тарил дюрду дюлду эвэнкил бидечэтын. Геду этыркэн атырканнун, геду хутэн хутэтэй. Хутэн дян орочи бичэн. 4. Этыркэн моду иланма улукилвэ ичэрэн. Дюрэ пэктырэнэн, урарэн. Иливран пэктырэнэн, умукэнмэ варэн. 5. Хулама торга дянмэнди чакиливча бичэн. Упкат илаталди метрилди гачатын. 6. Ниху бикиттулэ дыгрэ эмэктэдечэн. 7. Илэтыкин, умнэ-вэл Кировва ичэчэ, окин-да нуӈанман этэн омӈоро.

Упражнение 46

а) Спишите текст, подчеркните имена числительные и определите, какие это имена числительные.

1. Дюр ӈинакир мотыва асадячатын. 2. Интернатту тырганиду илара депиӈнэрэв. 3. Бэел умутэлди дюла ирэ. 4. бу илани эвэдыт татчарав. 5. Или элэӈэ оронни хуктылдэн? 6. Делэки дюрэ сиӈэрэкэнмэ лавададянаван удяван ичэчэвун. 7. Алагумни дютэлвэ тетрадилва бучэн. 8. Упкатва дюнмэнди томкот уллими, маннитмар бивки. 9. Мунэ городтула уӈнэ, бу дян тунӈава алагувумнилва таду арчамкадавун. 10. Тунӈиду хиннаду олло тагача. 11. Дягдагду бу тунӈаӈнава мотылва ичэчэвун. 12. Дюригдэ голомол гулэсэгду бичэтын. 13. Дюлав дян дыгин километрил эмэнмурэ. 14. Омолгичаннюӈурэ нимэктулэви туксактаран. 15. Асаткан диктэлвэ дюрэ тэвлиттэн. 16. Бэюмимнил тунӈакталва бэюрвэ варэ. 17. Илаӈна орор урэду оӈкодёро. 18. Би сэлэмэвэ авсава, иланманди торгат хэркэвчэвэ, бакам. 19. Куӈакар, дютэлди хэрэкэлтэвнэл, мячикит эвинэсинэ. 20. Би синдулэ, книгава гадави, дюрэ эмэктэчэв.

б) Прочтите текст, выпишите все имена числительные, разберите их состав.

Асаткан бултанэн

Урикит дягдагду бидерэн. ӈегидаду хэгды, албин бира. Урикитту дыгин дюл. Умукэн дю гиркиӈив, ге акиӈин, или дю амакаӈин, дыги дю Гарпалиъянги. Гарпалик, наданма классилва этэксэ, аминдулави эмэчэн. Гарпаликӈи аминин колхоз председательдин хавалдяран. Эси урикитту нуӈан асинунми бидерэн. Аминин боло илара урикиттулэ эмэктэчэн. Нуӈан, эмэми-нун, дюктэду хутэлдуви анивуратын эмэвуӈкин. Гарпалик умнэ аминнунми чипкамадечан. Нуӈан, умнэ пэктырэнэ, нюӈнякива вачан. Нуӈартын дюктэ тунӈадярвэ чипкарвэ, нюӈунмэ нюӈнякилва, гагвэ-дэ вачатын. Гарпалик, дюлави эмэксэ, дялдуви дяпкуталди чипкарвэ, умутэлди нюӈнякива боритчан. Умукэнмэ гагвэ нуӈан, нюӈунмэнди талут чакилна, гиркилэви уӈчэн.

Упражнение 47

Спишите текст, подчеркните имена числительные, назовите их.

1. Тагивкавун-нимӈакан. Этыркэн Анӈанигда агландула юрэн, тадук уксэндукви дэгилвэ тыниллэн. Нуӈан дыгрэ уксэтви арпулиснан, дян дюрвэ дэгилвэ тынэн, гептыкинду (умунду арпулисиктаду) илаталди дэгилди. Элэкэсиптыл илан дэгил дэгиллэ — иӈиниллэн. Гил илан дэгил дэгиллэ — иманна унделлэн, чука балдыллан. илил дэгил дэгиллэктын, хэку оран. Дыги иларагда дэгиллэкин, иӈинипчу эдын эдыллэн, тыгдэл тыгдэллэ. Дэгил-кэ эчэл простоил бирэ: дэгитыкинду дыгитэл асакил биси, асакитыкинду надан лэпурэл (инӈактал) биси.

2. Эр туги бичэн: эр бэеткэчэн, егин анӈаничичун амаканун Семённун гулэду эмэнмучэтын. Бэел, асал хутэлнунмэр агила, эттулэ суручэтын, тадук таргит партизанилчатын. Штаб амака Семён гулэдун бичэн. Нуӈан нюӈни бэеткэрӈилин тырганива иду-дэ угдуктадячатын, упкатва ичэдечэтын, упкатва садечатын, тадук долболтоногидаду амакалавэр гулэлэн упкатва салнэвэр ӈэнэвуӈкитын.

Вопросы для повторения

На какие разряды делятся числительные?

§ 77. Личные местоимения →
Авторы

Елена Лебедева

Ольга Константинова

Поделиться