§ 166

Восклицательные предложения

По интонации предложения делятся на восклицательные и невосклицательные.

Восклицательными предложениями являются такие предложения, в которых выражается сильное чувство. Восклицательные предложения характеризуются восклицательной интонацией. В восклицательных предложениях для выражения сильного чувства часто употребляются междометия.

Восклицательными могут стать повествовательные, вопросительные и побудительные предложения, если они будут произноситься с сильным выражением чувства радости, горя, страха, удивления, приказания, просьбы.

Эрэй, оскал! Оставь! Эрэй, сукчам! Увы, сломал! Би нян сурудем! Я тоже пойду! Экун си ая бисинни! Какой же ты хороший!Су-дэ упкатва садерэс! Вы же всё знаете!

В конце восклицательного предложения ставится восклицательный знак.

Упражнение 117

Укажите восклицательные предложения.

1. Умнэ Дылача тыкундяринун Севердынун Эдыннун упчуллэ, ӈи нуӈардуктын эӈэситмэр. «Ичэткэл! Би эсикэкэн умнэт дэгнэ бэедук сунмэн эдынмусиндем!» — Эдын гунэн. 2. Куӈакар тэпкэсинэ: «Ама эмэдерэн! Ама эмэдерэн!» 3. Асаткан атырканнун удякитту чипичавэ ичэрэ. Асаткан энекэткиви гунэн: «Тар чипичавэ дявагат!» — «Онолинни! Он мит нуӈанман дявадяп?» 4. Маша нэмкунди дылганди тэпкэрэн: «Ичэдем, ичэдем! Экэл мугдэкэнду тэгэттэ, экэл пирожокъя деврэ!» 5. Бу игэнэдечэвун, ӈэнэдечэвун, тадук бирала истав. Он баргиски дагми? Умнэт гиркив тэпкэсинэн: «Эсикэкэн баргиски дагиктавун!» 6. Куӈакар коӈномово жукканмэ ичэрэ. «Эвикэл муннун,» — куӈакар жукканду гунэ. «Эвичэ-дэ бимчэв, — жук гунэн, — тыкин эдеӈэ бисим: би дептылэеви бултадем». — «Муннун эвикэл», — куӈакар сиӈамаду дюгуктэкэнду гунэ. «Кэ, экэллу олгатта, эдеӈэ эвирэ бисим, мёдва тавулдяӈав», — дюгуктэкэн гунэн. «Си-кэ муннун этэнни-гу эвирэ?» — куӈакар ириктэдук ханӈуктара. Ириктэ нуӈарватын эдеӈэ долчатта бичэн: нуӈан ороктоконмо, мэндукви илара хэгдытмэрвэ, ирудячан, сот хэлинчэдечэн, бикитъеви одави.

Упражнение 118

Укажите предложения повествовательные, вопросительные, побудительные.

Этыркэнду илан омолгилин бичэтын: дюр дяличил, илитын Иванушка-дулбун. Этыркэн бурдукава путэрэн, амаргут со ая бурдука балдыран. Тар бурдукава экун-мал долбонитыкин хэкинмэдевки. Тэли этыркэн омолгилтыкиви гуллэн: «Аяврилви хутэлви, бурдукава долбонитыкин этэеткэллу, дёроминма дявакаллу!»

Илиду долбониду Иван сурукичин оран. Нуӈан дёроминма-муринма дяваран. Тэли мурин дулбунма алтачиллан:

— Иванушка, тынкэл минэ, би синду сомат хавалдям.

— Ая, — гунэн Иванушка-дулбун, — би синэ тындем. Он-ка би синэ амаргут бакадям?

— Си гулэсэгдук юкэл, — мурин гунэн, — илара кикэскэл, тадук тэпкэскэл: «Сивка-бурка! Миниклэ илкал, авданна орок-токло (чукакла) илнагачинин!» — би эду бидеӈэв.

Иванушка-дулбун муринми тынэн. Иванушка дюлави эмэрэн.

— Кэ, эва ичэнни, дулбун? — акнилин ханӈуктара. Иванушка упкатва улгучэнэн. Акнилин эчэл тэдерэ.

Амакан тэгэмэр приказин юрэн: «Илэл тэгэмэрдулэ праздниктула эмэлкэллу. Аяткулвар мурирвар мэрнунмэр гакаллу. Бэеду, тэгэмэр хунадин окошколон муриндуви микчандериду, ӈалэдукин унякаптунман лукчариду, тэгэмэр хунатви мирэнмукэндеӈэн».
Иванушка акнилин праздниктула ӈэнэдэвэр итыгалла. Иванушка-да нуӈанман гадатын эечиллэн.

— Илэ си, моӈнон, суруденни, — акнилин гунэ, — илэлвэ-гу инемукэндэви гэлэденни? Печу оёдун тэгэтчэнэ, хулэптэнмэ уӈкудекэл.

Акнилин сурурэ. Иванушка агландула эмэрэн, илара кикэ-синиксэ, тэпкэстэн.

Мурин хуктыдерэн, хуктыксэ, Иванушкакла иллан.

— Кэ, Иванушка, анӈулив сендулив угдускал, дегинӈулив юкэл, — мурин гунэн.

Иванушка мурин анӈулин сендулин угдустан, дегинӈулин юрэн. Юксэ, гудей омолги оран.

Тадук Иванушка тэгэмэр праздниктулан эмэрэн.

Ичэрэн: кэтэмэмэл илэл умунупчэл. Гугдаду-ка гулэду окошкоду тэгэмэр хунадин гудей тэгэтчэрэн. Умукэчэндун тамура унякаптун. ӈи-дэ нуӈандулан бадерэн микчандеми. ӈи-дэ никимнави бадерэн капутчами.

Иванушка муринми идакавунди иктэрэн, мурин микчанэн — иланди дариктат хунат окошколон эчэ иста.
Илэл тэпкэдерэ: «Дявакаллу нуӈанман, дявакаллу!»

Иванушка, городтук хуктывуксэ, нян нонопты Иванушка-дулбун оран. Нуӈан муринми тынэн, коӈиви дялум хуламалва дэгинӈэктэлвэ тавран, дюлави эмэрэн, тадук акнилви асалтыкитын гунэн:

— Эр сунду дэгинӈэктэлвэ эмэвум.

Акнилин асалтын Ивандук тыкулла:

— Он одянни, дулбун, антылва дэгинӈэктэлвэ эмэвунни? Си эмукин элэ девдеӈэ бинэнни!

Илиду тырганиду Иванушка нян праздниктула хуктыврэн. Муринми иктэрэн. Мурин, сотмарит тыкуликса, микчанэн — хунат окошколон истан. Иванушка тэгэмэр хунатван нюканан, унякаптунман гамалчаран. Дюлави эмэрэн, умун ӈалэн торгат уивчэ.
Илаллали Иванушка аминнунми, акнилнунми тэгэмэр празд-никтулан эмэрэн.

Тэгэмэр хунадин Иванушка ӈалэвэн няӈнячит торгат хэркэвчэвэ ичэрэн, гунэн:

— Омолги, эда ӈалэви хэркэчэс? Луккал-да! Иванушка ӈалэдукви торгавэ луктан, умукэчэндун тэгэмэр хунадин унякаптунин!

Тэли тэгэмэр хунадин Иванушкава аминдулави элгэрэн, тадук гунэн:

— Эр, ама, минӈи эдыӈэтыв!

§ 167. Словосочетание и виды грамматической связи слов →
Авторы

Елена Лебедева

Ольга Константинова

Поделиться